بزدار صاحب پی ڈی ایم اُتے تنقید تہاڈا لیول نہیں؛عظمی بخاری

لہور(پنجابی میڈیا گروپ) مسلم لیگ(ن)پنجاب دی سیکرٹری اطلاعات عظمی بخاری نے آکھیااے کہ بزدار صاحب پی ڈی ایم اتے تنقید تہاڈا لیول نہیں، تساں صرف ڈینگی اتے توجہ دیو۔ڈینگی دے نال لوکائی مررہے نیں تے تہان پی ڈی ایم دی فکر ستان لگ پئی اے۔ اپنے بیانوچ رہنما مسلم لیگ ن عظمیٰ بخاری ہوراں داآکھنا سی کہ وزیراعلیٰ پنجاب عثمان بزدار نے وزیر اعلی ہوندیاں ہویاں وی خود نوں تے اپنی سرکار نوں بند گلی وچ بند کردتا اے۔ پنجاب سرکار اینج دی بند گلی وچ داخل ہوگئی اے جہدا نہ کوئی دروازہ تے نہ کھڑی اے۔ جہدا مونہہ بولدا ثبوت ضمنی تے کنٹونمنٹ بورڈز دے الیکشن نیں،اوہناں نے مزیدآکھیا اے کہ ہر چنا وچ ایہناں نوں مونہہ دی کھانی پے رہی اے۔ فیر و ی شیخ چلی والی بڑھکاں مارن توں باز نہیں آئوندے۔

اپنا تبصرہ گھلو