چینی حکام نے کرونا وائرس نال نبڑن لئی خاطر خواہ کوششاں کیتیاں: شاہ محمود
اسلام آباد: شاہ محمود قریشی آکھیا اے چینی حکام نے کرونا وائرس نال نبڑن لئی خاطر خواہ کوششاں کیتیاں، چین وچ پاکستانی شہریاں دی مدد تے چینی حکومت دے شکر گزار آں۔
وزیر خارجہ شاہ محمود قریشی نے کرونا وائرس نال نبڑن لئی چینی کوششاں بارے بیان وچ آکھیا اے پاکستانی عوام تے حکومت ایس مشکل گھڑی وچ چینی عوام دے نال کھڑے نیں، کوئی شک نہیں کہ چین ایس چیلنج تے قابو پان وچ کامیاب ہووے گا، اعلیٰ چینی قیادت وائرس نال نبڑن دیاں کوششاں دی نگرانی کر رہی اے، عالمی برادری نے وی کرونا وائرس نال نبڑن لئی چین دیاں کوششاں نوں سراہیا، پاکستان چینی بھراواں دی ہر ممکن مدد لئی تیار اے۔
