بھارت اقلیتاں لئی دنیا دا خطرناک ملک بن چکیا اے ‘گورنرپنجاب

لہور(پنجابی میڈیا گروپ) گورنر پنجاب چوہدری محمد سرور نے ٹوئٹر اتے بھارتی ریاست تری پورہ وچ حملے دی ویڈیو شیئر کردیاں ہویاں دسیا اے کہ10دناں وچ 17مساجد نوں نشانہ بنایا گیا اے۔چوہدری محمد سرور نے آکھیا ا ے کہ بھارت اقلیتاں لئی دنیا دا خطرناک ترین ملک بن چکیا اے، نریندر مودی تے آر ایس ایس دے ات گرد مسلماناں نوں نشانہ بنا رہے نیں، بھارتی مسلماناں دے نال مذہبی آزادی چھیننا انسانی حقوق دا قتل عام اے۔چوہدری محمد سرورہوراں نے مزیدآکھیا اے کہ بھارت وچ مسلماناں دی عبادت گاہاں مکمل طور تے غیر محفوظ ہوچکیاں نیں۔ جمہوریت دے دعویدار بھارت دا شرمناک چہرہ بے نقاب ہوگیا اے۔اسیں اپنے بھارتی مسلمان بہن بھرواں دے نال کھڑے آں۔اوہناں نے مزیدآکھیا اے کہ اقوام متحدہ سنے انسانی حقوق دی تنظیماں د ی خاموشی بوہت وڈا سوالیہ نشان اے۔

اپنا تبصرہ گھلو