الیکشن کمیشن: فریال تالپور دے خلاف نااہلی درخواست دوبارہ سماعت لئی مقرر
اسلام آباد: الیکشن کمیشن وچ فریال تالپور دے خلاف نااہلی لئی دائر درخواست دوبارہ سماعت لئی مقرر کر دتی گئی، ای سی پی درخواست تے سماعت 3فروری نوں کرے گا۔
چیف الیکشن کمشنر دی سربراہی وچ 5رکنی کمیشن کیس دی سماعت کرے گا۔ ایس حوالے نال الیکشن کمیشن نے فریقین نوں نوٹسز جاری کر دتے۔
درخواست تحریک انصاف دے ایم پی اے ارسلان تاج تے رابعہ اظفر نے دائر کیتی سی۔ ارسلان تاج تے رابطہ اظفر نے فریال تالپور دے خلاف سالانہ گوشواریاں وچ جائیداد لُکان تے درخواست دائر کیتی سی جہدے وچ آکھیا گیا فریال تالپور نے اپنے سالانہ گوشواریاں وچ جائیداداں ظاہر نہ کرن تے نااہل کیتا جاوے۔
خیال رہوے الیکشن کمیشن نے عدم پیروی تے فریال تالپور دے خلاف پہلی نااہلی دی درخواست خارج کر دتی سی۔
