پنجاب حکومت نے یاسمین راشد دی سربراہی وچ کرونا وائرس بارے کابینہ کمیٹی بنا دتی
لہور: پنجاب حکومت نے کرونا وائرس بارے کابینہ کمیٹی تشکیل دے دتی، 8رکنی کمیٹی دی وزیر صحت یاسمین راشد سربراہی کرن گیاں۔
جاری کیتے نوٹیفکیشن دے مطابق کابینہ کمیٹی وائرس دے تدارک لئی پالیسی مرتب کرے گی جد کہ صوبے بھر دے ہسپتالاں تے کرونا وائرس نال متاثرہ مریضاں دی نگرانی وی کرے گی۔
دریں اثنا چین وچ پاکستانیاں دی فوری واپسی نال کرونا وائرس پھیلن دے خدشے بارے پاکستانی طبی ماہرین نے خبردار کردیاں آکھیا اے پاکستان وچ کرونا وائرس نال نبڑن لئی سہولتاں میسر نہیں، سارے پاکستانیاں نوں کلیئرنس دے بعد واپس لیایا جاوے۔
