وزیراعظم عمران خان دی برطرف وزیراں نال ملاقات رنگ لے آئی، مصالحت دا اشارہ

اسلام آباد: وزیراعظم عمران خان تے برطرف وزیراں دی ملاقات رنگ لے آئی، مصالحت دا اشارہ دے دتا۔ خیبر پختونخوا دے برطرف وزیراں شہرام خان ترکئی تے عاطف خان نے پچھلے دیہاڑ وزیراعظم عمران خان نال وکھری ملاقات کیتی جہدے وچ وزیراعظم نوں اپنے تحفظات توں آگاہ کیتا گیا، وزیراعظم دا کہنا سی وزیراعلیٰ تے برطرف وزیراں وچکار اختلافات گھر دا مسئلہ اے ایس مسئلے نوں حل کرن لئی سپیکر اسد قیصر تے وزیر دفاع پرویز خٹک، وزیراعلیٰ تے برطرف وزراء مل بیٹھ حل کرن۔

ایم این اے عثمان ترکئی نے میڈیا نال گل کردیاں آکھیا وزیراعظم وی چاہندے نیں کہ پرویز خٹک، اسد قیصر تے وزیراعلیٰ مل بیٹھ کے مسئلہ حل کرن کیوں جے وزیراعظم وکھو وکھ مسئلیاں دے حل وچ مصروف نیں۔

اوہناں دا کہنا سی وزیراعلیٰ ، عاطف خان، شہرام خان، پرویز خٹک وچکار اختلافات ختم ہونے چاہیدے نیں ایس حوالے نال بہت جلد جرگہ متوقع اے۔