غزل
عارف شاہ پروہنا
اوہناں دے کول تے ڈنڈا اے
ساڈے ہتھ وچ جھنڈا اے
جہڑے کہندے غربت مُک گئی
ایہہ سارا پراپیگنڈا اے
اودھر ملاں بھج کے جائے
جدھر حلوہ منڈا اے
بھکھے لوکی ٹُٹ کے پے گئے
کھانا بھاویں ٹھنڈا اے
کسے لئی دیس امریکہ ورگا
تے کسے دے لئی یوگنڈا اے
مجھ جہڑی ددھ بہتا دیوے
اوسے نوں پیندا ونڈا اے
میں اوہدے توں پھُل سی منگیا
اوہنے تے چوبھیا کنڈا اے
تگڑے لوکی لنڈن جاندے
ساڈے لئی عارفا لنڈا اے
