عالمی سطح اُتے قیمتاں ودھن دے نال مہنگائی ہوئی،وزیراعظم
اٹک(پنجابی میڈیا گروپ)وزیراعظم عمران خان نے آکھیااے کہ عالمی سطح اتے قیمتاں ودھن دے نال مہنگائی ہوئی، عوام اتے اضافی بوجھ دا احساس اے۔سرکار ایس ویلے 450 ارب دا خسارہ خود برداشت کر رہی اے۔وزیراعظم عمران خان نے دورہ اٹک دے دوران تحریک انصاف دی مقامی قیادت دے نال ملاقات کیتی، ایس موقع اتے اوہناں داآکھنا سی کہ جدوں ساڈی سرکار آئی ایس ویلے معاشی خسارہ 20 ارب ڈالر سی۔ خسارے دی وجہ توں معاشی صورتحال مشکل سی۔ اک سال وچ خسارہ 20 ارب توں گٹھ کے اک ارب ڈالر اتے لے آئے۔ ساڈی معیشت دا انحصار درآمدات اتے اے،عمران خان نے آکھیا اے کہ دنیا وچ قیمتاں ودھن دا اثر ساڈی معیشت اتے وی پیا۔ کورونا دی وجہ توں بین الاقوامی سطح اتے بحران آیا، پوری دنیا دی معیشت خسارے وچ چلی گئی ۔
Load/Hide Comments





















