بار ایسوسی ایشنز دی سیاست آزادانہ ہونی چاہیدی اے، فواد چوہدری

Fowad Ch

اسلام آباد(پنجابی میڈیا گروپ)وفاقی وزیر اطلاعات چوہدری فواد حسین نے آکھیا اے کہ بار ایسوسی ایشنز دی سیاست آزادانہ ہونی چاہیدی اے۔سرکار تے سیاسی جماعتاں دی ایہدے وچ کوئی مداخلت نہ ہووے۔بار ایسوسی ایشن زیرالتواء مقدمات نوں جلد نمٹان دے حوالے دے نال اپناکردارادا کرن۔وکلاء برادری دے مسائل توں آگاہ نیں۔ وکلاء دے مسائل دا حل ساڈی سرکار دی اولین ترجیح اے۔ سپریم کورٹ بار ایسوسی ایشن دے نومنتخب عہدیداران دے اعزاز وچ منعقدہ تقریب دے نال خطاب کردیاں ہویاں فواد چوہدری نے آکھیا اے کہ وکلاء جمہوریت ،انسانی حقوق تے آئین دے محافظ نیں۔ قانون دی حکمرانی تے آئین دی بالادستی وچ وکلاء دا روشن کردار تاریخ دا حصہ اے۔ وفاقی وزیر نے مزیدآکھیاکہ بار ایسوسی ایشنز دی سیاست آزادانہ ہونی چاہیدی ۔فوادچودھری نے مزیدآکھیا اے کہ ہر سطح اتے وکلاء دے نال کھڑے آں۔

اپنا تبصرہ گھلو