ہن رات دے ہُونیرے وچ عوام اُتے ظلم کیتا جا رہیا اے،حمزہ شہباز
لہور(پنجابی میڈیا گروپ)پنجاب اسمبلی وچ قائد حزب اختلاف حمزہ شہباز نے آکھیا ا ے کہ ہن رات دے اندھیرے وچ عوام اتے ظلم ڈھایا جا رہیا اے ۔ہنی زخم بھرے نہیں سن پٹرول فیر آٹھ روپے مہنگا کردتا گیا۔ نیازی صاحب نے جوں نوٹس لیا قیمتاں مزید ودھ گئیاں ایہہ آکھیا گیااے کہ کرونا دی وجہ توں مہنگائی وچ اضافہ ہویا اے۔ وزیر اعظم سوچتا گٹھ تے بولدا زیادہ اے کوئی ایہناں سمجھائے کہ سونامی دا مطلب تباہی ہوندی اے۔ حمزہ شہباز ہوراں نے مزیدآکھیا اے کہ لوکائی ساڈے کولوں وی پچھن گے ایہناںدے بچے بھوکے مررہے سن تے تساں کیہ کیتا سی۔ ن لیگ عوام دے نال کھڑی ہووے گی۔ سیاسی جماعتاں نوں ذمہ داری اے کہ اوہ مل کے ایس آئینی رستہ کڈ کے ملک نوں بحران توں کڈن۔
Load/Hide Comments





















