رات دے ہُنیرے وچ معاہدے کرن دی بجائے پارلیمنٹ وچ آکے گل کرو،خواجہ آصف
اسلام آباد(پنجابی میڈیا گروپ)قومی اسمبلی دے اجلاس وچ مسلم لیگ ن دے رہنماء رکن قومی اسمبلی خواجہ آصف نے آکھیا اے کہ ملک تاریخ دی بدترین مہنگائی دے دور توں گزر رہیا اے۔ سرکار نوں معلوم ہوندا کہ اگلے چوبیس گھنٹے وچ کیہ کرنا ہوندا اے۔ رات نوں اندھیرے وچ اجلاس بلائے جارہے نیں۔ ملک نوں مذاق بنایا ہویا اے۔ رات دے اندھیریاں وچ خفیہ معاہدے کرن دی بجائے پارلیمنٹ وچ آکے گل کرو۔پچھلے کئی روز توں ملک دے اندر عجیب جی کیفیت دے باوجود دسیا نہیں جارہیا کہ ملک دے اندر کیہ ہورہیا اے۔ جی ٹی روڈ تاحال بند اے۔ قومی اسمبلی دا اجلاس ڈپٹی اسپیکر قاسم سوری دی سربراہی وچ شروع ہویا تے ڈپٹی اسپیکر قاسم سوری نے قومی اسمبلی وچ کاروائی تے طریقہ کار دے قواعد 2007 ء دے قاعدہ 288دے تحت تحریک پیش کرن دے حوالے توں ایوان وچ تحریک پیش تے بعد ازاں مسلم لیگ ن دے رکن قومی اسمبلی خواجہ آصف نوں گل بات کرن دا موقع دتا جہدے اتے خواجہ آصف نے سرکار دی پالیسیاں اتے مہنگائی دے علاوہ کجھ نہیں۔ رات دے اندھیرے وچ پٹرول بم گرائے جارہے نیں۔





















