غزل

ڈاکٹر جگتار

محرم دلاں دے جان توں وی لاڈلے لاہور
ہن ترسدے ہاں جان نوں اس رانگلے لاہور
کیسی ہے دوستی تے ایہہ کیسی ہے دشمنی
دھواں چھٹے تاں رو پوے لگ کے گلے لاہور
مادھو دے وانگ ہوئے گی حالت حسین دی
ایدھر ہنیر درد دا پر دل جلے لاہور
پارے دے وانگ تھرکدے لاٹاں جہے بدن
کیہ دوستو نکلدے نے ہن دن ڈھلے لاہور
ٹٹنی کدے وی سانجھ نہ لوکاں دے درد دی
دلی ولے، ولے پیا لکھ واگلے لاہور
گمی، فخر، بشیر، کنجاہی، منیر، اقبال
وسدے نے یار جس جگہ، پھلے پُھلے لاہور
میرا سلام ہے مرا سجدہ ہے بار بار
قبراں چ یار سوں رہے جو رانگلے لاہور
دل توں قریب جان توں پیارا ہے جو اجے
اوہ دور ہو گیا ہے جا کے لاگلے لاہور
جگتار دی دعا ہے تاں توں ربّ ! قبول کر
دلی چ ہووے چاننا دیوا بلے لاہور