منافع خوری تے ذخیرہ اندوزی کسی صورت برداشت نہیں کراں گے،وزیر اعظم
اسلام آباد(پنجابی میڈیا گروپ)و زیر اعظم عمران خان نے اک واری فیئر واضح کیتا اے کہ منافع خوری تے ذخیرہ اندوزی کسی صورت برداشت نہیں کیتی جاوے گی۔ چینی مافیا تے ذخیرہ اندوزاں دے خلاف شوگر فیکٹریز (کنٹرول) ترمیمی ایکٹ 2021، پنجاب پریوینشن آف ہورڈنگ ایکٹ 2020 تے پنجاب رجسٹریشن آف گوڈاونز ایکٹ 2014 دی قوانین اتے ہر صورت عملدرامد نوں یقینی بنایا جاوے،عوام نوں ریلیف دین لئی صوبائی تے ضلعی حکومتاں فیلڈ وچ نظر آن ۔قانون دے مطابق ذخیرہ اندوزاں تے ناجائز منافع خوری دے مرتکب افراد دے خلاف سخت کارر وائی کیتی جاوے۔ پیر نوں وزیر اعظم دی زیر صدارت پرائس کنٹرول دا اجلاس ہویا جہدے وچ چینی دے اسٹاک تے قیمتاں دے حوالے توں تفصیلی بریفنگ دتی گئی۔وزیر اعظم عمران خان نے نے اجلاس دے نال خطاب کردیاں ہویاں آکھیا اے کہ بین الاقوامی مارکیٹ وچ اشیاء دی قیمتاں ودھ آ رہیاں نیں۔





















