پہلے کالج فیس8روپے ہندی سی،ہن اسکول فیس30ہزار اے،سپریم کورٹ

اسلام آباد(پنجابی میڈیا گروپ)سپریم کورٹ دے جسٹس قاضی امین نے ریمارکس دتے نیں کہ پہلے کالج فیس 8 روپے ہوندی سی ہن نکے جے بال دی فیس 30 ہزار روپے اے۔سپریم کورٹ وچ خیبرپختونخوا دے زلزلہ زدہ علاقیاں وچ اسکولاں دی عدم تعمیر دے خلاف کیس دی سماعت ہوئی۔ عدالت نے ادارہ برائے بحالی زلزلہ زدگان (ایرا) نوں سارے زیرتعمیر منصوبے جون 2022تیک مکمل کرن دا حکم دیندیاں ہویاں کے پی سرکارکولوں پیشرفت رپورٹ تے تعمیر شدہ اسکولاں وچ طلبہ و اساتذہ دی تفصیلات وی طلب کرلیاں۔چیف جسٹس نے چیئرمین ایرا اتے اظہار برہمی کردیاں ہویاں آکھیا اے کہ ایرا افسران صرف تنخواہاں تے مراعات لے رہے آں،تہاڈے اپنے بال سکول توں محروم ہوندے فیر وی تساں کم کردے۔ چیف جسٹس نے ریمارکس دتے کہ تعلیم تے صحت تہاڈی ترجیح ہوندے تے اج مکمل ہوندے، زلزلہ متاثرہ علاقے تے اک سال وچ ای بن جاندے چاہیدے سن۔

اپنا تبصرہ گھلو