عمران خان نے ثابت کردتا کہ اوہ کس قدر عدالتاں دے احترام کردے نیں،فواد چوہدری
اسلام آباد(پنجابی میڈیا گروپ)وفاقی وزیر اطلاعات و نشریات نے آکھیا اے کہ وزیراعظم عمران خان نے ثابت کردتا کہ اوہ کس قدر قانون تے عدالتاں دے احترام کردے نیں ۔4ہفتیا ں وچ سپریم کورٹ دے احکامات اتے عمل کر کے رپورٹ سپریم کورٹ وچ رکھاں گے۔سانحہ اے پی ایس دے ویلے مسلم لیگ (ن) دی سرکار سی چاہندے تے ساری ذمہ داری ایہناں اتے پا دیندے۔تفصیلات دے مطابق سپریم کورٹ دے احاطہ وچ میڈیا دے نال گل بات کر دیاں ہویاں وزیر اطلاعات نے آکھیاکہ عمران خان نے قانون تے انصاف دے علمبردار نیں تے ایہوی ایہناں دی سیاست دا مرکز اے، عدالت عظمیٰ نے صبح ساڑھے نو بجے حکم دتا تے وزیر اعظم عمران خان گھر وں سیدھا عدالت آپڑ گے۔ وزیراعظم نے عدالت وچ پیش ہو کے آئین و قانون دی حکمرانی نوں نافذ کر کے وکھایا اے۔
Load/Hide Comments





















