وزیراعلیٰ پنجاب دا وڈا اقدام، 71وچوں 30غیر ضروری کمپنیاں بند کرن دا فیصلہ
لہور: وزیراعلیٰ پنجاب نے صوبے دی کمپنیاں دے حوالے نال وڈا اقدام کردیاں پنجاب دی 71وچوں 30غیر ضروری کمپنیاں نوں بند کرن دا فیصلہ کر لیا۔
پنجاب 56کمپنیز سکینڈل دے خلاف وزیراعلیٰ پنجاب عثمان بزدار اِن ایکشن، اپنے ٹویٹ وچ اوہناں نے لکھیا کہ کئی مہینیاں دی محنت تے کارپوریٹ گورننس دے اصولاں نوں مدنظر رکھدیاں ہوئیاں پنجاب دی 71وچوں 30غیر ضروری کمپنیاں نوں بند کرن دا فیصلہ کیتا اے۔
سردار عثمان بزدار دا کہنا سی اج اوہ لوک معصوم شکل بنا کے گڈ گورننس دے دعویدار بن دے نیں جہناں نے پچھلے دور وچ غیر ضروری کمپنیاں بنا کے پنجاب دے خزانے نوں نقصان اپڑایا۔
