کرونا نال نبڑن لئی حکمت عملی تیار، متاثرہ بندیاں دا علاج انتظامات نال مشروط

اسلام آباد: ایمرجنسی کور کمیٹی نے کرونا نال نبڑن لئی حکمت عملی تیار کر لئی۔ متاثرہ بندیاں دی نگرانی تے علاج خصوصی انتظامات نال مشروط کر دتے۔

کمپنی نے ڈاکٹراں تے پیرامیڈیکل سٹاف نوں 3ہزار ڈالر مالیت دا مہنگا ترین لباس صرف اک واری پان دی ہدایت کر دتی۔

معاون خصوصی برائے صحت ڈاکٹر ظفر مرزا دی زیر صدارت کور کمیٹی دا اجلاس ہویا جہدے وچ سیکرٹری ہیلتھ، ایگزیکٹو ڈائریکٹر این آئی ایچ، پاک فوج دے نمائندے تے دوجے ارکان نے رلت کیتی۔ کرونا وائرس بارے تازہ ترین صورتحال تے اقدامات دا جائزہ لیا گیا۔

ڈاکٹر ظفر مرزا آکھیا سارے ہوائی اڈیاں تے ہیلتھ اسٹیبلشمنٹ دا تربیت یافتہ عملی سکریننگ دے نظام نوں یقینی بنا رہیا اے، وزارت صحت وچ قائم ایمرجنسی آپریشن سیل وی صورتحال نوں مانیٹر کر رہیا اے، ایمرجنسی کور کمیٹی تیزی نال بدلدی ہوئی صورتحال دی نگرانی کر رہی اے۔

معاون خصوصی برائے صحت آکھیا صوبیاں توں درخواست کیتی اے کہ کرونا وائرس دے ممکنہ کیساں لئی ہسپتال تے وکھری وارڈز مختص کرن۔ ایمرجنسی کور کمیٹی وچ کیتے جان والے فیصلیاں تے عملدرآمد ہنگامی بنیاداں تے یقینی بنان، وزیراعظم پاکستان دی ہدایت تے جنگی بنیاداں تے کرونا وائرس توں بچاؤ لئی اقدامات کر رہے آں۔