غزل
عاشق
دوزخ دا در اک دم کدی وی کھلدا نہیں سی
اج دے وانگر بندا کدی وی رلدا نہیں سی
رب نے اپنے ولوں سبھ کجھ چنگا کیتا
لوکاں نے جو کیتی دل اوہ بھلدا نہیں سی
سونے چاندی نال تے میں سن تلدے ویکھے
پتھروں ساویں بندا کدی وی تلدا نہیں سی
ایویں لوکاں اوہنوں سولی چاڑھ ودھایا
ساڈے بھانے ایڈے اُچے مُل دا نہیں سی
دکھاں ایہنوں طاقت بخشی خوب ودھایا
سکھاں دے وچ عشق دا بوٹا پھلدا نہیں سی
میں کیوں اوہدے در تے جا کے سجدے کردا
بندا سی اوہ آخر مالک کل دا نہیں سی
اوہدا حسن سی کاری دل دا وس نہ چلیا
ہاری ساری اتے عاشق ڈلھدا نہیں سی
