چھوٹیاں پارٹیاں نوں سانجھے اجلاس وچ جان لئی دبا پایا جا رہیا اے: فضل الرحمان
کوئٹہ( پنجابی میڈیا گروپ)حکومت مخالف اتحاد دے سربراہ مولانا فضل الرحمان نے آکھیا کہ سانجھے پارلیمنٹ دے اجلاس وچ چھوٹیاں پارٹیاں نوںسانجھے اجلاس وچ جان لئی دبا پایا جا رہیا اے۔پاکستان ڈیمو کریٹک موومنٹ(پی ڈی ایم)دے سربراہ نے کوئٹہ وچ میڈیا نال گل بات کر دیاں آکھیاکہ حکومت چل نہیں رہی،چلائی جا رہی اے،اسیں حکومت چلان والیاں تے چلن والیاں نوں وی جاندے واں۔کہندے او او بہت کجھ اے مگر ملکی حالات خراب نہیں کرنا چاہندے۔اوہناں نے آکھیا کہ حکومت نوں اکثریت حاصل نہیں،اتحادی نال تیار نہیں،نا اہل حکمراناں اقتدارنوں طول دین لئی ناجائز طریقے اپنا رہے ہیں۔ حکومت جعلی پارلیمنٹ نوں قنون سازی لئی تیار کر رہی اے۔ سانجھے اجلاس نوں شکست دے خوف نال ملتوی کیتا گیا ۔ لوکاں نوں سیف ہاسز وچ لیجایاگیا ساہنوں رپورٹ ملی اے،حکومت کول جبری اکثریت اے۔عدالت نال رجوع لئی قنون دا جائزہ لیاجائے گا۔





















