پوری قوت نال سیاہ قنو ن دا رستہ ڈکاں گے،شہباز شریف

shehbaz shrif

اسلام آباد (پنجابی میڈیا گروپ)پارلیمنٹ دے مشترکہ اجلاس لئی متحدہ اپوزیشن نے حکمت عملی طے کرلئی۔متحدہ اپوزیشن نے سارے اپوزیشن اراکین پارلیمان نوں اپنی حاضری یقینی بنان دی ہدایت کر دتی ، شہباز شریف داآکھناسی کہ پوری قوت دے نال سرکار دی سیاہ قانون سازی دا رستہ ڈکاں گے،پاکستان مسلم لیگ (ن) دے صدر تے قائد حزب اختلاف شہبازشریف دامتحدہ اپوزیشن رہنمائوواں دے نال اہم مشاورتی اجلاس پارلیمنٹ ہائوس وچ اپوزیشن چیمبر و چ منعقد ہویا شہبازشریف دی زیرصدارت اجلاس وچ سید خورشید شاہ، یوسف رضاگیلانی، مولانا اسعد محمود نے شرکت کیتی پچھلے وزیر اعظم شاہد خاقان عباسی تے مسلم لیگ(ن) دے پارلیمانی لیڈر خواجہ آصف وی اجلاس وچ موجود سن۔پچھلے سپیکر قومی اسمبلی سردار ایاز صادق، رانا ثناء اللہ دے علاوہ اپوزیشن جماعتاں دے اراکین نے وی شرکت کیتی۔ شہبازشریف نے مزیدآکھیا اے کہ ملک نوں معاشی زوال تے عوام نوں مہنگائی وچ مبتلا کرن والی ظالم سرکار سیاہ قوانین توں زندگی نہیں پا سکدی۔ سرکارڈگدی ہوئی دیوار اے۔ سہارے ایس نوں بچانہیں سکدے۔

اپنا تبصرہ گھلو