تحریک انصاف ماضی دے کالے قنون نوں دھو رہی اے،شاہ محمود قریشی
اسلام آباد (پنجابی میڈیا گروپ)وزیر خارجہ شاہ محمود قریشی نے آکھیااے کہ تحریک انصاف سرکار ماضی دے کالے قوانین نوں دھو رہی اے۔اپوزیشن نوںاوورسیز پاکستانیاں دا زرمبادلہ قبول اے پر ایہناں دا حق رائے دہی قبول نہیں اے، تارکین وطن ملک دی ریڑھ دی ہڈی دی حیثیت رکھدے نیں ساڈی سرکار ایہہ چاہندی اے کہ تارکین وطن پاکستانیاں نوں ملک دی بھاگ دوڑ وچ شامل ہونا چاہندی اے۔ بدھ دے روز پارلیمنٹ دے مشترکہ اجلاس دے نال اظہار کردیاں ہویاں وزیر خارجہ شاہ محمود قریشی نے آکھیا اے کہ اج تاریخ ساز دن اے، تارکین وطن پاکستانیاں نوں ملک دی بھاگ دوڑ وچ شامل ہونا چاہیدا اے، اپوزیشن لیڈر دا خطاب سمجھ توں بالا تر اے۔ سوال ایہہ اٹھدا اے کہ اسیں تاریخ کولوں کدوں تیک سکھاں گے۔تے اج اوہ دن اے کہ اک تاریخ ساز گٹھ کیتا جاوے گا۔ شاہ محمود قریشی نے مزیدآکھیا اے کہ سرکار نے کئی واری گل اپوزیشن دے نال مشاور ت داآکھ چکی اے پر اپوزیشن نے ایس پاسے توجہ نہیں دتی۔





















