سوچاں دا سفر

عاصم بخاری

تھاپڑ دے دے مینوں سلاون سوچاں دو دو ہتھی
مڑ نیندر میں توں رس جاندی اے اڈ جانی کپتی
اٹھ کے میں فیر بہہ جانا واں بال سرہانے بتی
لکھاں میں فیر اوہ اوہ باتاں مار دیاں میں متی
رات دے پچھلے پہری سوچاں گھمن گھیری پاندیاں نیں
کدی اوہ تھلاں اندر رولن کدی چوری کٹ کھواندیاں نیں
کدی چناں دیاں مارو چھلاں گھٹ گھٹ جپھیاں پاندیاں نیں
کدی اوہ کعبے اندر مینوں اسود جا چماندیاں نیں
کدی مدینے وچ پھرا کے روضے دی سیر کراندیاں نیں
کدی بدر دے گیڑے کٹ کے مڑ طائف لے جاندیاں نیں
کدی اوہ کربل اندر جا کے لہو دے رنگ سجاندیاں نیں
سوچاں سجنوں بدل کے شکلاں کیہ کیہ انگ وکھاندیاں نیں
کدی اوہ باہو پڑھ سناون بلھے نال وی اوہ ملاون
کدی اوہ ٹالھی پینگھ چڑھا کے برکھا دی رت مناون
کدی نانے نال لاڈ لڈا کے چڑھ نیزے قرآن سناون
سوچ دے بدل چڑھ چڑھ آون انج برسن جیوں ساون