چج ادبی پروار جھنگ دے پربندھ ہیٹھ پنجابی محفل مشاعرہ

رپورٹ: آفاق بٹ

چج ادبی پروار جھنگ پنجاب پاکستان دے آہر نال عرس و میلہ حضرت پیر سید امان اللہ سلطان ہاتھیوان۔ جھوک سلطان ہاتھیوان سرگودھا روڈ جھنگ پنجاب پاکستان ہک پنجابی محفل مشاعرہ دا اہتمام کیتا گیا جس وچ چج ادبی پروار جھنگ دے سارے شعراء کرام بھرویں رلت کیتی۔ مشاعرہ دی شروعات تلاوتِ قرآن پاک توں کیتا گیا تلاوت قرآن پاک دی سعادت پنجابی شاعر مہر عاکف لکھنانہ ہوراں حاصل کیتی۔

نعت رسول مقبول صلی اللّٰہ علیہ وآلٰہ وسلم دی سعادت پنجابی شاعر منیر احمد منیر ہوراں حاصل کیتی قصیدہ شان امام عالی مقام حضرت علی علیہ السّلام دی سعادت پنجابی شاعر مہر احسان سجوکہ ہوراں حاصل کیتی مشاعرہ دی صدارت چج ادبی پروار جھنگ پنجاب پاکستان دے صدر استاد الشعراء فخر جھنگ حاجی ملک عبد الطیف شیدائی ہوراں کیتی مہمان خصوصی پروفیسر مہر ثقلین شعیب پاتوانہ ہن۔ اچیچے مہمان چج ادبی پروار جھنگ پنجاب پاکستان دے نائب صدر جگ مشہور پنجابی ادب دے نامور شاعر مہر الطاف حسین بھروانہ تے ملک ناصر علی تائب ہن پنجابی محفل مشاعرہ وچ لاہور توں محترمہ رسیلی کنول ہوراں وی شرکت کیتی اس مشاعرہ دے سٹیج سیکرٹری چج ادبی پروار جھنگ پنجاب پاکستان دے جنرل سیکرٹری عبد الرحمن ساجد ہوراں فرائض انجام دتے۔ مشاعرہ سارے شعراء کرام رل کے پنجاب دی ونڈ تے پنجابی زبان ثقافت تے کلچر دے خلاف ہر اٹھن آلی آواز دے سامنے ڈٹ ونجن دا فیصلہ کیتا گیا۔شعراء کرام وچ حاجی ملک عبد الطیف شیدائی، مہر الطاف حسین بھروانہ، ناصر علی تائب، عبد الرحمن ساجد جھنگ، رسیلی کنول لاہور مہر برخوردار ثاقب سیال ، حاجی افضل ناز، مہر احسان اللہ احسان سجوکہ، سائیں صفدر سرگودھا، منظور حسین صفدر خان، خیرات علی خیرات، مہر اویس میانہ سیال،مہر حسنین سیال، اعجاز حسین جاز، چوہدری اقبال چدھڑ، ارشد محمود ارشد چنیوٹ، مہر عاکف لکھنانہ، علی رضا نازش، غلام عباس مخفی لکھنانہ،امان اللہ کاشف، مہر لقمان سیال، سمیع اللہ سمیع، ضیا اللّٰہ، شبر خان بلوچ، قیصر عباس رئیس چچکانہ، فرخ حیات فرخ بلوچ، جابر شہزاد جابر، ملازم حسین کاشی، آفتاب احمد آفتاب سیال، مخدوم جاوید قریشی، محمد اسحاق علی ساقی ہوراں رلت کیتی۔ ہر پنجابی شاعر آپنا آپنا چونڑواں کلام سنایا تے ڈھگ ڈھگ داد وصول کیتی ۔عوام دا وی ٹھاٹھاں ماردا سمندر پنڈال وچ ہر آون والے شاعر نوں خوب سنیا تے آخری شاعر تک شعراء کرام نوں خوب داد دے کے شعراء کرام دی حوصلہ افزائی کیتی ۔مشاعرہ توں بعد پنجابی ڈھولیاں دا وی اہتمام کیتا گیا۔

ھا ہر ڈھولے آکھن آلے آپنی پسند دے ڈھولے سنا کے عوام توں بھروی داد وصول کیتی مشاعرہ دے آخیر تے موجودہ گدی نشین دربار عالیہ صاحبزادہ پیر سید نور سلطان ہوراں پنجاب، پنجابیت ،پنجابی زبان ثقافت کلچر تے ملک پاکستان تے عوام دی سالمیت دی دعا کرائی ۔