پنجاب لوکل گورنمنٹ ایکٹ نوں اسمبلی توں چھیتی منظور کروایا جاوے، وزیراعظم
اسلام آباد(پنجابی میڈیا گروپ) وزیراعظم عمران خان نے ہدایت دتی اے کہ پنجاب لوکل گورنمنٹ ایکٹ نوں اسمبلی توں جلد منظور کرایا جاوے، تے بلدیاتی چنادے جلد انعقاد لئی قانونی کارروائی مکمل کیتی جاوے۔ نجی ٹی وی دے مطابق وزیراعظم عمران خان دے نال وزیر بلدیات پنجاب میاں محمود الرشید نے پرائم منسٹر ہائوس اسلام آبادوچ ملاقات کیتی، جہدے وچ پنجاب وچ بلدیاتی انتخابات دے انعقاد دے حوالے دے نال گل بات ہوئی، وزیر بلدیات نے وزیراعظم نوں بلدیاتی انتخابات دی تیاریاں دے حوالے دے نال تفصیلی بریفنگ دتی۔ محمود الرشید ہوراں نے دسیا کہ لوکل گورنمنٹ دے موثر نظام دے نال عوام دے مسائل ایہناں دی دہلیز اتے حل ہون گے۔وزیراعظم عمران خان نے آکھیا اے کہ اختیارات دی نچلی سطح اتًے منتقلی دے نال عوام نوں بااختیار بنانا ساڈی اولین ترجیح اے۔ ایس موقع اتے عمران خان ہوراں نے پار پایا کہ پنجاب لوکل گورنمنٹ ایکٹ نوں اسمبلی توں جلد منظور کرایا جاوے۔





















