غزل

شارق نظامی

اوہنے آپ لکھایا سی کول بہہ کے راتیں جیہڑا سی میں کلام لکھیا
شاعر نہیں میں کاتب ہاں بس اوہدا‘ آقا کہیا تے میں غلام لکھیا
مینوں کہیا تقدیر زنجیر پا کے‘ در ساقی توں ہلنا جُلنا نہیں
میں ایویں میخانے وچ نہیں آیا میرے لیکھاں دے وچ سی جام لکھیا
میں اوہدیاں عاشقاں نال رل کے کدے اوہدے دربار وچ نہیں جاندا
کدے ڈائری اوس دی ویکھیا جے اوتھے ہووے گا میرا وی نام لکھیا
تسیں گئے نہیں کدے محلیاں وچ نہیں گلیاں موڑ ہزار دیکھے
تساں کتھوں سرکار جی پڑھ لینا نعرہ کندھاں تے جیہڑا عوام لکھیا
کدے جیندیاں جی جے میل ہویا جپھے مار کے ملاں گے گل لگ کے
نہیں اوس وی پرت کے پائی چٹھی‘ نہیں میں وی اوہنوں سلام لکھیا
شارق خبرے کد اثبات ہونا‘ نفی دوہاں دی مُکی نہیں اجے تیکن
رہناں میں وی لا الہ پڑھدا‘ اوہدے مقعے تے رہندا اے لام لکھیا