امریکہ پاکستان دی سبھ توں وڈی برآمدی منڈی اے،شاہ محمود قریشی
اسلام آباد(پنجابی میڈیاگروپ)امریکہ وچ ڈیموکریٹک پارٹی دے سینئر رہنما ڈاکٹر آصف محمود نے وزارتِ خارجہ وچ وزیر خارجہ مخدوم شاہ محمود قریشی دے نال ملاقات کیتی جہدے وچ پاک امریکہ تعلقات،اقتصادی تعاون دے فروغ سنے باہمی دلچسپی دے اموراتے وچار کیتاگیا۔شاہ محمود قریشی نے آکھیاکہ خطے وچ امن و استحکام تے تعمیر و ترقی لئی پاکستان تے امریکہ دا باہمی تعاون ہمیشہ مثبت نتائج دا موجب رہیا۔پاکستان،اقتصادی ترجیحاتی ایجنڈے اُتے عمل پیرا اے،امریکہ پاکستان دی سبھ توں وڈی برآمدی منڈی اے،اوہناں نے ہورآکھیاکہ امریکی کمپنیاں200 ملین آبادی اُتے مشتمل پاکستان دی اُبھردی ہوئی مارکیٹ وچ سرمایہ کاری کر کے چنگا منافع کما سکدیاں نیں۔
