لگدا اے کے پی حکومت بلدیاتی انتخابات کران وچ سنجیدہ ای نہیں: چیف الیکشن کمشنر
اسلام آباد: چیف الیکشن کمشنر جلال سکندر سلطان نے خیبر پختونخوا بلدیاتی انتخابات کیس وچ ریمارکس دتے لگدا اے کے پی حکومت بلدیاتی انتخابات کران وچ سنجیدہ ای نہیں۔
چیف الیکشن کمشنر دی سربراہی وچ پنج رکنی کمیشن نے خیبر پختونخوا بلدیاتی انتخابات بارے کیس دی سماعت کیتی۔
رکن خیبر پختونخوا ارشاد قیصر آکھیا کے پی حکومت ایکٹ دی شقاں نافذ نہیں کر سکی، الیکشن کیویں ہون گے، حلقہ بندیاں دے رولز ای نہیں بن سکے، رولز تے بنا لوو تاں جے کمیشن جائزہ لے سکے۔
چیف الیکشن کمشنر جلال سکندر سلطان آکھیا معاملات انج نہیں چلن دیواں گے، انج ای چلدا رہیا تے صوبائی حکومت دے خلاف سخت حکم جاری کراں گے۔
الیکشن کمیشن نے سماعت 18فروری تک ملتوی کردیاں سیکرٹری لوکل گورنمنٹ نوں ذاتی حیثیت وچ طلب کر لیا۔
