این سی او سی اجلاس:ویکسی نیشن دے حوالے دے نال سخت اقدامات کرن دا فیصلہ

اسلام آباد(پنجابی میڈیا گروپ)نیشنل کمانڈ اینڈ آپریشن سنٹر( این سی او سی) نے کورونا ویکیسنیشن دے حوالے دے نال سخت اقدامات کرن دا فیصلہ کردیاں ہویاں تن کیٹیگریز لئی بوسٹرڈوز لگان دی منظوری دے دتی اے۔ جدکہ ویکسی نیشن نہ کران والے افرادنوں موقع اتے ای ویکسین لگان دا فیصلہ کیتا گیا اے۔ تفصیلات دے مطابق وفاقی وزیر برائے منصوبہ بندی، ترقی تے خصوصی اقدامات اسد عمر دی زیرصدارت این سی اوسی دا اجلاس ہویا جہدے وچ نیشنل کوآرڈی نیٹر میجر جنرل محمد ظفر اقبال، معاون خصوصی صحت ڈاکٹر فیصل سلطان، صوبائی وزراء صحت تے چیف سیکرٹریز نے ورچوئل شرکت کیتی،اجلاس وچ 50 سال توں زائد عمر والے افراد لئی بوسٹر ڈوز دی منظوری دیدتی گئی۔ملک بھر وچ بیماری دے پھیلائو دی روک تھام توں متعلق اقدامات اتے وچار کیتا گیا۔ اج یکم دسمبر توں خصوصی مہم چلائی جاوے گی۔