یاداں دی پٹاری

خالد حسین تھتھال

یاداں دی پٹاری وچوں
گُڈیاں پٹوہلے کڈھ
جدوں میں کھلارنی آں
بیتے ہوئے ویلے دے
بھُلے ہوئے پہراں نوں
وازاں جیوں میں مارنی آں
ڈولنی آں وچو وچ
چھوہلے چھوہلے ہتھاں نال
چُکنی آں سٹنی آں
دُھوڑ جہی تک کے تے
رہن جے نہیںہوندا فیر
پھڑ پھڑ چھنڈنی آں
جھاڑنی آں پھُوکنی آں
پھانڈے وی میں مارنی آں
چنگے اوہناں سمیاں
تے رُتاںدیاں رونقاں نوں
سکھیاںسہیلیاں دے نال
کھیڈاں کھیڈیاں نوں
ہاسے روسے کُٹّیاں
تے پینگھاں رل جھُوٹیاں نوں
انج میں چتارنی آں
لگدا اے کل دی ، جیوں گل ہووے
اج خورے کتھے کتھے
کیہڑے کیہڑے حالاں وچ
وختاں جنجالاں وچ
رُجھیاں تے گُجھیاں
میرے ہار ہونیاں نیں
کدے کسے نال جدوں
میل ہو جاندا اے
کر کر گلاں فیر دس دس پُچھ پُچھ
حال رُولے ساریاں دے
دھر و نس جہی ہو ندی اے
ٹھنڈ پے جاندی اے
اُنج فیر اج کل فونفیس بُک نال
سُکھ بڑا ہو گیا اے
گل بات میل جول
سوکھا بڑا ہو گیا اے
کیڑ کانگ کسے دی
کسے نال چنگی ماڑی غمی خوشی
دُکھ سُکھ کرنا سوکھا ڈھیرہو گیا اے
دِل بھُل جاندا اے
کجھ ہولا ہو جاندا اے