خیبر پختونخوا: بالاں نال زیادتی وچ ملوث بندیاں لئی سخت قوانین دا مسودہ تیار

پشاور: خیبر پختونخوا وچ بالاں نال زیادتی وچ ملوث بندیاں لئی سخت قوانین دا مسودہ تیار کر لیا گیا، ساری عمر جیل وچ گزارن گے، 14ورھے قید سنے 50لکھ روپے جرمانے دی تجاویز وی شامل نیں۔ شہریاں نے ہور سخت سزاواں شامل کرن دا مطالبہ کر دتا۔

خیبر پختونخوا وچ بالاں نال زیادتی تے تشدد دی روک تھام بارے سخت حکمت عملی تیار کر لئی، بالاں نال زیادتی وچ ملوث بندے طبی موت تک جیل وچ رہن گے، مجرماں نوں چودہ ورھے قید تے 50لکھ جرمانے دی سزا وی دتی جا سکے گی۔

صوبائی اسمبلی دی ذیلی پارلیمانی کمیٹی نے چائلڈ پروٹیکشن اینڈ ویلفیئر ایکٹ 2010وچ ترامیم دے حوالے نال تجاویز نوں ھتمی شکل دے دتی، کمیٹی دی چیئرپرسن نگہت اورکزئی دا کہنا اے ملک وچ بالاں نال زیادتی دے واقعات وچ آئے دیہاڑ وادھا تشویشناک اے، تجاویز نوں قنونی شکل دین لئی ہر ممکن کوشش کیتی جاوے گی۔