اقتصادی رابطہ کمیٹی دا اجلاس، گیس قیمتاں وچ وادھے دی سمری موخر
اسلام آباد: مشیر خزانہ عبدالحفیظ شیخ دی زیر صدارت اقتصادی رابطہ کمیٹی دے اجلاس وچ گیس ریٹاں وچ وادھے دی سمری موخر کر دتی گئی، کمیٹی نے وزارت دفاع لئی ٹیکنیکل سپلیمنٹری گرانٹ تے وزارت اطلاعات وچ ڈیجیٹل میڈیا ونگ دے قیام دی منظوری دے دتی۔
ای سی سی اجلاس وچ ایف اے ٹی ایف دی اک ہور اہم شرط پوری کردیاں پاکستان پوسٹل انشورنس نوں کمپنی بنان دا فیصلہ کیتا گیا اے تے پوسٹل انشورنش لئی 70کروڑ دے پیڈ اپ کیپٹل دی منظوری دتی گئی اے۔
پوسٹل انشورنس کمپنی ایس ای سی پی دی ریگولیشن وچ ہووے گی۔
کمیٹی نے وزارت دفاع لئی ٹیکنیکل سپلیمنٹری گرانٹ، وزارت اطلاعات وچ ڈیجیٹل میڈیا ونگ دے قیام دی وی منظوری دتی جد کہ گیس ریٹاں وچ 14فیصد وادھے دی سمری موخر کر دتی۔
واضح رہوے سمری وچ کمرشل و سی این جی سیکٹری لئی گیس 31فیصد تے کھاد کارخانیاں لئی 153فیصد مہنگی کرن دی سفارش کیتی گئی سی۔
