پاکستان نوں گرے لسٹ وچ رکھن دا جواز نہیں،شاہ محمود قریشی

برسلز (پنجابی میڈیا گروپ)وزیرِ خارجہ مخدوم شاہ محمود قریشی نے آکھیا اے کہ پاکستان نے فیٹف توں متعلق ایکشن پلان اتے بھرپور تعاون کیتا، ہن پاکستان نوں گرے لسٹ وچ رکھن دا جواز نہیں،پاکستانی میڈیا دے نمائندیاں دے نال گل بات کردیاں ہویاں وزیرِ خارجہ مخدوم شاہ محمود قریشی نے آکھیا کہ پاکستان نے فیٹف توں متعلق قانون سازی وی کیتی اے۔ اوہناں نے دسیا کہ ایف اے ٹی ایف حکام توں گرے لسٹ دے معاملے اتے کھل کے گل بات ہوئی۔ تن سال وچ پاکستان نے انتظامی اقدامات توں متعلق فیٹف نوں آگاہ کیتا۔ وزیرِ خارجہ نے مزیدآکھیا کہ پاکستان نے 2018ء وچ دتے گئے ایکشن پلان اتے پوری طرحاں عمل کیتا، فیٹف نے وی تسلیم کیتا کہ پاکستان نے 27 وچوں 26 نکات اتے عمل کر لیا۔شاہ محمود قریشی نے آکھیا اے کہ اک نکتے اتے پاکستان نوں غیر ضروری طور تے گرے لسٹ وچ رکھیا ہویا اے۔