گُرمُکھی کتاب’’کُونجاں وِچھڑن والیاں نیں‘‘ دا مُکھ وکھالی اِکٹھ تے مشاعرہ
پنجاب بھر دے مختلف شہراں توں شاعراں دی شرکت۔
رپورٹ: سید علی قیصر
حلقہ احبابِ ادب ولوں چندی گڑھ توں گُر مُکھی رسم الخط چے چھپن والے صغیر تبسم دے شعری پراگے ’’کُونجاں وچھڑن والیاں نیں‘‘ دی مُکھ وکھالی تقریب دے نال بلدیہ ہال بہاولنگر چے شاندار مشاعرے دا وی انعقاد کیتا گیا۔ پروگرام دے پہلے حصے چے پاکستان دے معروف شاعر تے نثر نگار صغیر تبسم دی شاعری تے شخصیت بارے گل بات ہوئی تے پروگرام دے دُجے حصے چے شاندار مشاعرہ ہویا۔ مشاعرے چے پنجاب دے مختلف شہراں چوں شاعراں نے رَلت کیتی۔
جنہاں چے بدر سیماب (چیچہ وطنی)، یونس متین (عارف والا )، عمار یاسر( مگسی)، تاثیر جعفری، محمد علی ایاز، عالم گیر ہراج( کبیر والا)، غلام نبی ، رانا محمد عاشق خاں تے شاہد (ڈاہرانوالہ)، فیصل منظور کیفی (حویلی لکھا) ،آصف شہزا د(حویلی لکھا )، علی کبیر(منچن آباد)، محمد احمد چشتی(ہارون آباد)، عامر علی چشتی( ہارون آباد)، عبدالقدوس کیفی، محمود عاسی تے مہدی رضا (چشتیاں ) ہوراں رَلت کیتی۔
مشاعرے دی صدارت صدارتی ایوارڈ یافتہ شاعر پروفیسر عامر سہیل ہوراں کیتی تے مہمانِ خصوصی دی نشست تے یونس متین ہوریں تشریف فرما ہوئے۔ پروگرام دی نظامت بہاولنگر دے معروف پنجابی شاعر تے ریڈیو صداکار ریحان بشیر نے بہت سوھنے انداز چے کیتی۔ ایس دے نال نال بہاولنگر دے مقامی شاعراں دی اک وڈی تعداد وی مشاعرے چے شامل ہوئی جنہاں چے فاروق ندیم، راناجاوید، پروفیسر عبدالرشید اظہر، پروفیسر احمد خان، عامر بخاری، رانا عامر سلیم، سید ثاقب علی، طلحہ بن سہیل، عمر فدا، نائلہ لقمان، شہزاد زریاب، رانا رمضان شاہد، یاسین شیراز وغیرہ شامل سن۔
پروگرام دے شرکاء چے سینئر شاعراں تے ادیباں نے صغیر تبسم ہوراں نوں بھرپور خراجِ تحسین پیش کیتا۔ شاعراں تے ادیباں دے علاوہ علاقے دی معزز شخصیات رانا محمد یوسف خان جوائنٹ سیکرٹری پاکستان تحریکِ انصاف جنوبی پنجاب تے خالد علوی صدر ایپکا بہاولنگر سمیت دیگر نے وی بھرپور شرکت کیتی۔ پروگرام دے آخر تے پروفیسر عامر سہیل چیئرمین حلقہئِ احبابِ ادب بہاولنگر نے پروگرام چے شرکت کرن والے دوستاں دا خصوصی شکریہ ادا کردیا ہویاں صغیر تبسم نوں مبارک باد دتی تے آکھیا کہ صغیر تبسم بہاولنگر دے پہلے شاعر نیں جہناں دی کتاب چڑھدے پنجاب دے شہر چندیگڑھ چوں شائع ہوئی۔
