سجنا دی روح
بھپندرپنیوالیا
میرے گیتاں وِچ وسدی اے سجنا دی روح
جاں پھِر وسدی اے میرے پِنڈ والی جوہ
جینا وی کاہدا جینا دل دار توں بِناں
زندگی وی کاہدی لوکو پیار توں بِناں
یاد سجنا دی پاؤندی اے کلیجے وِچ دُھوہ
میرے گیتاں وِچ وسدی اے سجنا دی روح
پِنڈ دِیاں گلیاں چوں جدوں لنگھیدا
مِٹی والے موہ وِچ آپا رنگیدا
مینوں واجاں پئی مارے میرے گھر دی بروہ
میرے گیتاں وِچ وسدی اے سجنا دی روح
بچپن دِیاں گلاں جدوں یاد آؤندیاں
ٰکلے بیٹھیاں نوں پھِر خوب نے ہساؤندیاں
یاد آؤندے ٹوبھے نالے چیتے آؤن کُھوہ
میرے گیتاں وِچ وسدی اے سجنا دی روح
کِتھے گئے لوک اوہ جو سچا کردے سی پیار
بھٹھیاں توں دانے مُکے ستھاں چوں مُکی اے بہار
تائے بابے دِیاں گلاں دی مِلدی نہ سوہ
میرے گیتاں وِچ وسدی اے سجنا دی روح
