بنواس آیا ہے

امرجیت سنگھ سندھو

اوہنوں ملیے سنگھاسن، میرے ہتھ بنواس آیا ہے
اوہناں دا فیصلہ مینوں بڑا ہی راس آیا ہے
میرے بنواس تے ویکھو کویں خوش نے پشو پنچھی
کہ اوہناں ورگا نرچھل جیو اوہناں پاس آیا ہے
میں ڈردا سی، کتے اوہ نہ قلم ہی منگ لوے میتھوں
اینے سر منگے، مینوں بڑا دھرواس آیا ہے
جدوں میں ’کر‘ گیا ہتھوں، جدوں میں ’دار‘ تے چڑھیا
میرے ’کردار‘ تے اُس نوں ادوں وشواس آیا ہے
اوہدی تُر جان تے ایوں جاپیا کہ اوہ تاں میں ہی ساں
میرے من وچ اوہدے بارے کیہا احساس آیا ہے
کدی میں رام بنیا ہاں کدی گوتم، میرے حصے
کدی بنواس آیا ہے، کدی سنیاس آیا ہے
ایہہ جو سنسار ہے، اس نے بڑا پیتے لہو میرا
ایہہ میتھوں دور ہویا ہے، نہ میرے پاس آیا ہے
بڑا ٹھنڈا ہے دیس اُس دا، ایہنوں سینے نوں لا ’سندھو
ایہہ پرواسی وچارا لے کے نگھ دی آس آیا ہے