وطن دی آن
ایم آر شاہد
پاک وطن دی آن تے جاناں وار دیو
ایس سوہنی دھرتی نوں گوڑھا پیار دیو
اچا ساڈا سبز ہلالی پرچم اے
ایس دی شان نوں جاندا سارا عالم اے
ایس نگری دے کھیتاں وچ ہریالی اے
ہیریاں وانگ ایس باغ دی ڈالی ڈالی اے
سندھ‘ بلوچستان‘ سرحد‘ پنجاب میرا
پورا کیتا قائد نے اے خواب میرا
میلیں اکھیں جہڑا ایہنوں تکے گا
ڈب جائے گا اس دا بیڑا تکے گا
دشمن تے اکھ رکھنا لوڑ اے ویلے دی
خیر نہیں ہن اس ظالم دے ڈیلے دی
جاناں دے کے اپنا وطن بچاواں گے
ایس دے متھے اُتے چن سجاواں گے
فرض توں غافل شاہد جہڑا ہووے گا
اپنے پیراں تے ہن کدی نہیں کھلووے گا
