دنیا نے افغانستان اُتے توجہ نہ دتی تے صورتحال خراب ہوئے گی ،شاہ محمود قریشی

اسلام آباد(پنجابی میڈیا گروپ ) وزیرخارجہ شاہ محمود قریشی نے آکھیا اے کہ دنیا نے افغانستان اتے توجہ نہ دتی تے انسانی بحران سنگین صورتحال اختیار کرسکدا اے ،۔ایس بحران دے نال نہ صرف پاکستان بلکہ پورا خطہ متاثر ہووے گا۔ تفصیلات دے مطابق بدھ نوں اسلام آباد وچ وزیر خارجہ شاہ محمود قریشی دی زیر صدارت وزارت خارجہ وچ او آئی سی وزرائے خارجہ کونسل دے غیر معمولی اجلاس دے انتظامات دا حتمی جائزہ لین لئی اعلیٰ سطح دا اجلاس ہویا، جہدے وچ وفاقی وزیر اطلاعات فواد چوہدری، سیکرٹری خارجہ سہیل محمود، وزارتِ خارجہ دے ترجمان عاصم افتخار تے وزارت خارجہ دے سینئر افسران نے اجلاس وچ شرکت کیتی۔ اجلاس وچ وزیر خارجہ نوں او آئی سی وزرائے خارجہ کونسل دے غیر معمولی اجلاس دے انتظامات دے مختلف پہلوؤواں دے حوالے توں مفصل بریفنگ دتی گئی۔وزیر خارجہ نے انتظامات اتے اطمینان دا اظہار کردیاں ہویاں ایہناں مزید چنگا بنان لئی خصوصی ہدایات دیندیاں ہویاںٰآکھیا اے کہ پاکستان 41 برس دے بعد انشاء اللہ 19 دسمبر نوں اسلام آباد وچ او آئی سی وزرائے خارجہ کونسل دا اجلاس منعقد کیتا جا رہیااے۔