جالینوس تے جمخانہ

حمیداحمد سیٹھی

پنڈاں وچ لوکاں دے رل مل بیٹھن دی تھاں نوں ڈیرہ کہندے نیں جد کہ وڈے شہراں وچ کلب ہوندے نیں۔ مقصد دوہاں دا اک ای ہوندا اے صرف سہولتاں وچ کمی بیشی ہوندی اے۔ لہور شہر وچ کئی کلب نیں پر لہور جمخانہ سارے ملک وچ مشہور اے۔ ایس کلب وچ ست اٹھ ریستوران نیں ورزش لئی بہترین جم اے۔ 18 ہولز دا گولف کورس‘ ٹینس کورٹس‘ سیومنگ پول نیں۔ کارڈ روم تے بلیئرڈ روم اے۔ ایہناں توں علاوہ وی کئی سہولتاں نیں۔ بڈھے ممبراں نے کلب نوں سیکنڈ ہوم دا درجہ دے رکھیا اے۔ اوہ دوپہر نوں ایتھے آ کے رات گئے گھراں نوں پرتدے نیں۔ کرونا دی شدت دے دیہاڑیاں وچ چیئرمین ڈاکٹر جواد احمد نے جمخانہ بند وی رکھیا۔ اج کل کلب تے رونق تے ممبراں نال بھریا رہندا اے پر سٹاف دی اکثریت تے پچھلے ورھیاں وچ آرائش تے ڈھیر خرچ پاروں ایتھے وی مہنگائی نے اپنا اثر وکھایا اے۔
جمخانہ کلب دے ممبراں دی گنتی پندراں ہزار توں ودھ گئی اے۔ کجھ دیہاڑ پہلاں مینوں پچھلے دو ورھیاں دوران وفات پا جان والیاں دی فہرست ملی جو پریشان کن سی۔ بھاویں پچھلے دو ورھے ای کرونا دی شدت دے وی سن پر ستاراں سو ممبراں دی وفات وی پریشان کرن والی سی کیوں جے اوہناں دے ناں پڑھدے ہوئے بار بار دکھ دی کیفیت وچوں گزرنا پیندا سی پر موت دا تے بہرحال اک دن مقرر اے تے کسے دن فہرست وچ اپنا ناں وی ہووے گا۔ میں ساریاں لئی دعا کیتی تے فہرست اک پاسے رکھ دتی۔ ایہناں دیہاڑیاں دبئی وچ ٹی ٹونٹی کرکٹ میلا لگا ہویا اے دنیا دی بہترین کرکٹ ٹیماں ایہدے وچ اک دوجے تے سبقت لئی ویہہ اوور دا میچ کھیڈدیاں نیں۔ کدی سائوتھ افریقہ‘ آسٹریلیا تے انڈیا بہترین ٹیماں سمجھیاں جاندیاں سن پر ایس ٹورنامنٹ وچ پاکستان دی کرکٹ ٹیم نے انڈیا توں جت دا ریکارڈ قائم کر دتا۔ گرین شرٹس دی ایہ جت کرکٹ ہسٹری وچ لکھی جاوے گی۔ ایس توں پہلاں انڈوپاک دی ہاکی تے کرکٹ ٹیماں اک دوجے دے ملک وچ کھیڈن آئوندیاں جاندیاں سن سگوں انڈین فلماں دے گیت لکھن لئی پاکستانی معروف شاعر سدے جاندے سن جہناں وچ قتیل شفائی سرفہرست ہوندے سن۔ ایسے طرح گالف پلیئرز دیاں ٹیماں وی سدیاں جاندیاں تے گیسٹ رومز وچ ٹھہرائیاں جاندیاں سن۔ موجودہ انڈین حکومت جہدا وزیراعظم نریندر مودی اے۔ سابق وزیراعظم نوازشریف دے نال تے فرینڈلی سی کہ عمران نال گل بات لئی تیار نہیں۔
گل ہو رہی سی پنڈاں وچ ڈیرے تے وڈے شہر وچ وی ڈیرے دی جہنوں کلب دا ناں دتا جاندا اے ایہدے نال ای خدائی آفت دا ذکر جو دنیا دے ہر شہر تے ملک تے اتری ہوئی اے تے کرونا یاں کووڈ کہلاندی اے۔ جمخانہ دے زیادہ ممبر ایسے آفت دا شکار ہو کے اپنے رب نوں جا ملے۔ آخر وچ ذکر ہو جاوے اک معروف بندے دا جہدی دعوت تے 25 ورھے ڈنر کیتا جتھے معروف شخصیات توں علاوہ جسٹس جاویداقبال نال ملاقات رہی۔ ایس دعوت دے میزبان جالینوس احمد زماں جالی سن جو جمخانہ وچ گالف کھیڈدے سن۔ معروف بزنس مین تے شاعر وی سن۔ ایہناں دا مجموعہ کلام بعنوان افکار پریشان مینوں حامد زماں نے گھلیا اے ایہدے کجھ شعر:
یا رب تو مسلماں کو مسلمان بنا دے
اسلام کی بگڑی ہوئی دنیا کو سجا دے
بھٹکے ہوئے راہی ہیں انھیں رستہ دکھا دے
منزل کو بھلا بیٹھے ہیں منزل کا پتہ دے
اندھیر ہے ہر سمت ہے مایوسی کا عالم
دل سوز سے بھرپور ہیں اور آنکھیں ہیں پرنم
کیا کیا یہاں آتے ہیں قلندر کوئی دیکھے
ملت کو دغا دیتے ہیں اکثر کوئی دیکھے
کہتے ہیں بدل دیں گے شب و روز تمہارے
ہم جڑ سے فنا کر دیں گے آلام یہ سارے
وہ لہر جو اٹھی تھی مدینہ کے چمن سے
وہ شمع جو لہرائی تھی مکہ کے حرم سے
وہ روشنی جو لائی تھی نزدیک دلوں کو
وہ نور جو دکھلاتا تھا رہ بھٹکے ہوئوں کو
سب بھول گئی ملت ِبیضا یہ ستم دیکھ