افغانستان دی صورتحال وچ پیچھے ہٹن دا ویلا نہیں، وزیر خارجہ
اسلام آباد (پنجابی میڈیا گروپ) وزیر خارجہ شاہ محمود قریشی نے آکھیااے کہ اگست 2021 نے افغانستان وچ سیاسی منظر نامے نوں بدل دتا اے ،لوکائی دی لوڑ ایہوی نیں ، افغانستان صورتحال ،ایہہ مدد دا ہتھ ودھان دا ویلا اے، پچھلے ہٹن دا نہیں،اسلامی دنیا افغانستان دے لوکائی دے نا ل ایسی طرحاں کھڑی ہووے جس طرحاں ایس نے اوہ فلسطینیاں تے کشمیریاں دے حق خودارادیت دی حمایت وچ کھڑی اے ۔پاکستان، افغانستان وچ انسانی بحران دا گواہ ہون دے نال ایس توں متاثر وی اے ،اوتھے مکمل معاشی بدحالینوں ردنہیں کیتا جا سکدا۔اتوار نوں پاکستان دی میزبانی وچ اسلامی تعاون تنظیم (او آئی سی) دی وزرائے خارجہ کونسل دا 17واں غیر معمولی اجلاس اسلام آباد دے پارلیمنٹ ہاؤس وچ منعقد ہویا،اجلاس سعودی عرب دی دعوت اتے طلب کیتا گیا جہڑا اسلامی تعاون تنظیم دا چیئرمین اے۔پاکستان نے اجلاس بلان دا خیر مقدم کردیاں ہویاں ایہدی میزبانی دی پیشکش کیتی سی۔ پاکستان دی دعوت تے اجلاس وچ 22 ممالک دے وزرائے خارجہ، 10 نائب وزرائے خارجہ سنے 70 وفود شریک ہوئے۔غیر معمولی اجلاس دا باقاعدہ آغاز تلاوت کلام پاک توں ہویا جہدے بعد وزیر خارجہ شاہ محمود قریشی نے افتتاحی سیشن دے نال خطاب کیتا۔اجلاس دے نال خطاب کردیاں ہویاں شاہ محمود قریشی نے اجلاس بلان وچ سعودی عرب دی قیادت دی تعریف کردیاں ہویاں رکن ممالک تے دیگر وفود دے نال او آئی سی دے سیکرٹری جنرل حسین ابراہیم طحہٰ نوں جی آیاں نوں آکھیا۔شاہ محمود قریشی ہوراں نے آکھیا کہ پاکستان او آئی سی ولوں سادے نال کیتے گئے اعتماد اتے شکرگزار اے، مختصر نوٹس اتے تہادی ایتھے موجودگی ایس گل دی تصدیق کردی اے کہ دنیا تے او آئی سی لئی افغانستان دے عوام اہمیت رکھدے نیں۔
