جنوری توں صحت کارڈ فلاحی منصوبے دا آغاز ہووے گا، وزیراعلیٰ پنجاب عثمان بزدار

لہور(پنجابی میڈیا گروپ)وزیراعلی پنجاب عثمان بزدار نے آکھیااے کہ آئندہ ماہ جنوری توں صحت کارڈ فلاحی منصوبے دا آغاز ہووے گا، 31مارچ تیک پنجاب دے ہر خاندان دے کول صحت کارڈ ہوے گا۔ اک بیان وچ عثمان بردار ہوراں داآکھنا سی کہ ماضی وچ صحت دے شعبے نوں یکسر نظرانداز کیتا گیا۔ پچھلے دور سرکاروچ صحت دا بجٹ 169 ارب روپے سی ، جس نوں ودھا کے 399 ارب روپے کردتا گیا،وزیراعلیٰ پنجاب نے مزیدآکھیا اے کہ ڈیرہ غازی خان تے ساہیوال ڈویژن وچ صحت کارڈ پہلاں ای ونڈے جا چکے نیں۔ اگلے ماہ صحت کارڈ دا اجرا ہووے گا۔