نعت شریف
ایم آرشاہد
تیرے نال میں اکھیاں لائیاں
شہر مدینے والیا سائیاں
وطن ہے ساڈا شہر مدینہ
دل وچ کلمہ پاک نگینہ
میں تے ایتھے دیواں دہائیاں
شہر مدینے والیا سائیاں
حسن حسین نبیؐ دے پیارے
جنت دے اوہ راج دلارے
ایہناں کربل پینگھاں پائیاں
شہر مدینے والیا سائیاں
نعت لکھاں تے چین آئوندا اے
ہجر تہاڈا تڑفاندا اے
نہیں جاندیاں نیں یاداں آئیاں
شہر مدینے والیا سائیاں
تیرے در تے آون والے
رو رو سیس جھکاون والے
من دیاں اوہناں مراداں پائیاں
شہر مدینے والیا سائیاں
