نعت شریف
عبدالحمید نظامی
اساں تے لکھیائے سچ نعلین مبارک تے
کوئی گل نہیں کیتی کچ نعلین مبارک تے
اسیں نال عقیدت یار جد وی قلم اٹھائی
ہر لفظ گیا اے جچ نعلین مبارک تے
اسیں سوچ نوں آکھیائے جے ٹرنا ایں ساڈے نال
آ ساڈے عشق چ رَچ نعلین مبارک تے
نعلین دی عظمت نوں ہر بندہ من دا اے
اعتراض کرے گا کھچ نعلین مبارک تے
جو منت مَنّی سی اوہ پوری ہو گئی اے
چل اُٹھ دِلا ہن نچ نعلین مبارک تے
گل سن نظامیؔ توں جو پاون دل فتور
توں اوہناں کولوں بچ نعلین مبارک تے
