وزیراعظم عمران خان تے مخلص ٹیم

فیصل ادریس بٹ

پاکستان دے عوام ایس ویلے دوہرے عذاب وچ مبتلا نیں۔ اک تے تیزی نال ودھدی ہوئی مہنگائی اے دُوجا حکومت ولوں ایہنا دے مسائل اُتے سنجیدہ اقدامات دا فقدان رہیا اے۔ عالمی سطح اُتے ہون والی مہنگائی تے معاشی بحران نوں جواز بنا کے عوام نون مطمئن کرن دی ساری کوششاں ہن بے نتیجہ ہوندیاں جا رہیاں سن۔ عوام وچ ودھدی ہوئی بے چینی حکومت لئی وی پریشانی دا باعث سی۔ منی بجٹ دی خبراں نے عوام نوں مضطرب کر رکھیا اے۔ آپ وزیر خزانہ بار بار کہہ چکے نیں کہ اسیں نواں ٹیکس تے نہیں لاواں گے پر ساڑھے تن سو ارب روپئے دی ٹیکس چھوٹ ختم کر دیاں گے جس دا واضح مہنگائی دے اک نویں ریلے دی نوید اے۔ چنگی حکمرانی دا تقاضا اے کہ اوہ عوام نوں ہر قسم دے خطرات تے عالمی و ملکی سطح اُتے کیتے جان والے فیصلیاں دے منفی اثرات توں محفوظ بنائے۔ حکومت دی مجبوری ہو سکدی اے کہ عالمی بینک دے نال ہون والے معاہدے دے تحت ایہنوں اپنی آمدنی وچ وادھا کرنا اے پر آمدنی وچ وادھے دے نال انج دی پالیسیاں بنانا کہ عام بندا ایس دے اثرات توں گھٹ توں گھٹ متاثر ہوئے، وی حکومت دی ای ذمہ داری ہوندی اے۔ ایسے ذمہ داری نوں محسوس کردے ہوئے حکومت پچھلے کجھ دن وچ سانوں کافی متحرک نظر آندی اے۔ وزیراعظم ولوں ’’احساس ہیلتھ انشورنس کارڈ‘‘ دا اجراء وی ایسے سوچ دا مظہر اے۔ احساس ہیلتھ کارڈ گھٹ آمدنی والے بندیاں نوں علاج معالجے دی چنگی سہولت یقینی بنائے گا۔ اج دے دور وچ جتھے آٹا، چینی، دالاں، گھیو سنے ضروری شیواں عام بندے دی پہنچ توں دور ہوندیاں جا رہیاں نیں اوتھے علاج دی چنگی سہولتاں دے حوالے نال سوچنا وی گناہ لگدا اے۔ ایہناں حالات وچ جے چنگے علاج دی یقین دہانی مل جائے تے ایہہ ٹھنڈی ہوا دا اک جھونکا محسوس ہوندا اے۔ وزیراعظم نے احساس ہیلتھ کارڈ دا آپ افتتاح کیتا جس نال ایہناں دی ایس پروگرام وچ دلچسپی تے سنجیدگی ظاہر ہوندی اے۔ ہن وزیراعظم دی ایہہ وی ذمہ داری اے کہ ایس پروگرام اُتے عملدرآمد دی وی آپ نگرانی کرن کیوں جے اک عمومی تاثر اے کہ وزیراعظم پروگرام دا اعلان کردے نیں پر حکومتی مشینری ایس اُتے عملدرآمد نہیں ہون دیندی۔ جناب عمران خان صاحب ایس ملک دا ہر عام بندا تہاڈے ول ویکھ رہیا اے اوہ منتظر اے کہ حکومت ولوں ایس لئی کجھ کیتا جائے کجھ انج دا کیتا جائے جس نال ایہناں دے گھر دا چُلہا چلدا اے کجھ انج دے اقدامات کیتے جان جیہڑے ایس دے بالاں دی تعلیم تے روزگار دا باعث بن سکن۔ زندگی دے سفر نوں جاری رکھن لئی پیٹ دے دوزخ نوں بھرنا بوہت ضروری ہوندا اے۔ عوام صرف دو ویلے دال روٹی دی خواہش رکھدے نیں۔ امید اے تہاڈے احساس ہیلتھ کارڈ نال غریب عوام علاج معالجے ولوں بے فکر ہو جان گے۔ ایہہ وی درست اے کہ جے احساس ہیلتھ کارڈ، سکیم اتے پوری طرح عملدرآمد یقینی ہو جائے تے سرمایہ کار ملک دے دور دراز علاقیاں وچ وی چنگی علاج گاہواں قائم کرن گے کیوں جے جدوں ہر شہری دا علاج سرکار ای نے کرنا اے تے علاج گاہ چاہے کسے وڈے شہر وچ ہوئے یا کسے دور دراز پسماندہ پنڈ وچ، کیہ فرق پیندا اے؟ دور دراز علاقیاں وچ رہن والیاں نوں چنگے علاج دی سہولتاں دستیاب ہون دے نال اوتھے دی آبادی لئی روزگار دے موقعے پیدا ہون گے۔
وزیراعظم عمران خان نے دُوجا اہم اعلان گھٹ آمدن بندیاں لئی ’’راشن کارڈ سکیم‘‘ متعارف کران دا وی کیتا اے۔ راشن کارڈ، دا لفظ ذہن وچ آندے ای اک منفی جہیا تاثر قائم ہوندا اے پر وزیراعظم دے راشن کارڈ پلان وچ کجھ بنیادی گلاں بہت اہم نیں۔ احساس راشن کارڈ دے تحت 50 ہزار روپئے توں گھٹ آمدن والے بندیاں نوں ضروری شیواں 30 فیصد رعائتی قیمت اُتے ملن گیاں۔ احساس راشن کارڈ گھٹ آمدن والے طبقے نوں اشیائے خوردونوش دیاں قیمتاں وچ ہوندے ہوئے تیز رفتار ودھے دے اثرات توں محفوظ بنائے گا۔ جے ایس ملک دے عام بندے نوں دال روٹی دی دستیابی دی فکر توں آزاد کر دتا جائے تے اوہ پوری توجہ تے یکسوئی نال ملک دی ترقی لئی اپنا کردار ادا کر سکے گا۔ حکومت دا پلان اے کہ ملک دی ادھی آبادی نوں احساس راشن کارڈ دتا جائے۔
حکومت ولوں آسان قرضیاں دے اجراء دا ذکر نہ کرنا وی زیادتی ہوئے گی۔ زراعت دے پیشے لئی سیزنل قرضیاں دا اجرا نوجواناں لئی، کامیاب نوجوان پروگرام، دے تحت کاروبار شروع کرن وچ معاونت تے گھراں دی تعمیر لئی بینکاں نوں آسانیاں پیدا کرن دی ہدایات انج دے اقدامات نیں کہ جیہڑے معیشت دے پہیے نوں تیزی نال چلا سکدے نیں۔ انج تے وزیراعظم عمران خان نوں احساس پروگرام دی سربراہ ثانیہ نشتر احساس پروگرام نوں بوہت کامیابی شفافیت تے تیزی نال چلا رہیاں نیں ایس پروگرام دا تقاضہ وی ایہو اے کہ ایہہ پوری رفتار نال چلے تے کوئی ایس اُتے انگلی وی نہ چک سکے۔ ایسے طرح پنجاب دے وزیراعلیٰ سردار عثمان بزدار وی وزیراعظم عمران خان دے وژن توں بخوبی آگاہ نیں۔ اوہ سانوں پچھلے اک ڈیڑھ سال دے دوران بوہت زیادہ متحرک نظر آئے اوہناں نے وزیراعظم ولوں اعلان کردہ ہر پروگرام اُتے انتہائی سنجیدگی تے کامیابی نال عمل درآمد کروایا۔ وزیراعلیٰ سردار عثمان بزدار جس طرح پنجاب وچ ترقیاتی پروگرام دی نگرانی کر رہے نیں اوہ وی ایہناں دی سنجیدگی تے مہارت دا مظہر اے۔ وزیراعظم نوں پاکستان نوں اپنے وژن دے مطابق اسلامی فلاحی ریاست بنان دے پروگرام اُتے عملدرآمد تے عام بندے دی زندگی وچ آسانیاں پیدا کرن دے ارادیاں دی تکمیل لئی انج دی ای مخلص تے باصلاحیت تے شفاف ٹیم دی لوڑ اے۔