تربھلی لوکائی
خالدحسین تھتھال
تربھکی ہوئی لوکائی دیاں
سوال کردیاں اکھاں
تے فریاد کردے ہوٹھاں اُتے
تھکے ٹُٹے ہاڑے ہوکے
ترلے پاندے تھر تھر کنبدے اکھر
کدھرے ڈ ھو ئی نہیںکدھر نسیے
کِس تیں پچھئیے کِس نوں دسیے
اپنی ہوند تے ہسیے
یا اپنے آپ تے روئیے
نہ ساڈی کوئی لُکن دی تھاں
نہ ساڈا کوئی اولہا
نہ ساڈا کوئی کفن دفن
تے نہ کوئی کھٹ کھٹولا
اسیں تے کسے شمار وچ ای کوئی نہیں
خبراں دیاں سانجھیاں قبراں وچ
اسیں روز دفنائے جائیے
