نظـــم

نجم حسین سید

اوپریاں وِچ جد وی ہِکلیاں
ہتھاں پیراں نی پئی اے
پَوڑیاں ڈھلنیا لگائے باولی آ گئی اے
پْرانیاں سمیاں نی
پانی پیون جناور اْڑنے راہی پاہی تَسّے
ازغیبوں کوئی لشکر ڈْھکنے
دَڑ دَڑ کرنے ‘گھوڑے پانی پْھکنے
اسواراں کی ڈَنجھ طلب نی سالاراں کی لْٹ نی
بے وَس جَنِیاں چْڑ مْڑ کرنے نی دوہاں کی
اوہناں جناور کوہ سَٹنے ‘راہیاں پاہیاں لْک چھپ جانا
پانی وِچ ڈھل جَنِیاں پانی تھینا
اسواراں کھوہ کھانا جو لبھنا دانا
راہیاں پاہیاں بے وس جَنِیاں نال مہاڑا گھر سانجھا نہیں
ڈر کیوں سانجھا اے
ہے پانی پینے نی تانگھ ڈرے نی سانجھ نے تھلے
کہ پانی تِھینے نی
کہ مَروَت جِینے نی