چیف جسٹس دا کراچی عسکری پارک(کے ایم سی) دے حوالے کرن دا حکم

کراچی( پنجابی میڈیا)سپریم کورٹ نے عسکری پارک دو ہفتاں وچ (کے ایم سی) دے حوالے کرن دا حکم دے دتا۔سپریم کورٹ کراچی رجسٹری وچ چیف جسٹس پاکستان جسٹس گلزار احمد دی سربراہی وچ عسکری پارک بارے کیس دی سماعت ہوئی جس سلسلے وچ ایڈمنسٹریٹر کراچی تے کورفائیو دے وکیل عدالت وچ پیش ہوئے۔سماعت دے آغاز اُتے چیف جسٹس پاکستان پاکستان نے استفسار کیتا کہ جی ایڈمنسٹریٹر صاحب دسن،ایس اُتے ایڈمنسٹریٹر کراچی مرتضی وہاب نے عدالت نوں دسیا کہ رپورٹ فائل کردتی گئی اے جس دے مطابق2005وچ معاہدہ ہویا سی۔وکیل صفائی نے عدالت نوں دسیاکہ99ورھیاںداایگریمنٹ ہویا سی،ایس اُتے جسٹس قاضی امین دا کہنا سی کہ جس دی زمین اے اوس نوںواپس کردین۔چیف جسٹس نے آکھیا کہ تہانوں ایس لئی دتی سی کہ کوئی ہور قبضہ نہ کرلئے،پاکستان دی حفاظت دا آکھیا سی۔