چھڈ کے ٹر گیا
بھپندرپنیوالیا
وے تیرے وانجھوں کون سنبھالے
ہوئی تیرے عِشق وِچ جھلی نوں
وانگ بِگانیاں چھڈ کے تُر گیا
چھڈ کے تُر گیا کلی نوں
چھڈ کے سارا جگ سجنا
بس تکیا آسرا تیرا وے
تیرے عِشق دی اگ نے
گھت لیا گھیرا چار چُپھیرے وے
ماپے وی مینوں ایہو کہندے سی
ہُن کی سمجھائیے ہلی نوں
وانگ بِگانیاں چھڈ کے تُر گیا
چھڈ کے تُر گیا کلی نوں
ہر ویلے ہی سجنا مینوں تاں
پوناں دسدیاں رہندیاں سی
اوہ سارِیاں گلاں سچیاں سی
اوہ جو مینوں کہندیاں سی
کوئی بھروسہ نہہوندا پردیسی دا
نہ کریئے ایویں تسلی نوں
وانگ بِگانیاں چھڈ کے تُر گیا
چھڈ کے تُر گیا کلی نوں
سارے پاسے ہنیر پے گیا
راہ نہ کوئی ہُن دِسدا اے
وصل دِیاں گھڑیاں دُور ہوئیاں
بِرہا لوں لوں رِسدا اے
روکاں کیویں میں ہنجھواں نوں
نالے دِل ٰچ پئی ترتھلی نوں
وانگ بِگانیاں چھڈ کے تُر گیا
چھڈ کے تُر گیا کلی نوں
