جاوید اکبر ساقی ؒ دے افکار باقی

فہد عباس

کجھ لوکاں نوں کم نمٹان دی بوہت جلدی ہوندی اے تے اوہ گھٹ ویلے وچ کم زیادہ کر کے دنیا توں اوس ویلے رخصت ہو جاندے نیں جدوں ایہناں دی لوڑ پہلے توں وی کدھرے زیادہ محسوس ہوندی اے، بالکل ایسے طرح احباب دی بزم خیال نال میرے ہمدم و دمساز 20دسمبر 2017 نوں خالق حقیقی نوں جا ملے۔انا للہ وانا الیہ را جون۔ ایہہ سن میرے مربی و محسن جنہاں نے مینوں لطف تکلم نال آشنا کیتا
یہ احترام تمنا یہ احتیاط جنوں
تیرا ذکر کروں تیرا نام نہ لوں
علامہ جاوید اکبر ساقی دیاں گلاں باقی رہ گئیاں نیں ایہناں دا ہَسدا ہویا چہرہ جدوں وی خیال دے پردے اُتے رنگ و نور دی کہکشاں آسماں دماغ اُتے کھلاردا اے، تے ایس دی یاد بے چین کر دیندی اے تے کدی کدی تے اوہ مینوں مسلسل یاد آندے نیں تے بس فیر یاد آندے ای رہندے نیں، وگرنہ بقول حسرت موہانی دے
نہیں آتی تو یاد ان کی مہینوں تک نہیں آتی
مگر جب وہ یاد آتے ہیں تو اکثر یاد آتے ہیں
آپ نے اتحاد بین المسلمین دے پلیٹ فارم توں دنیا نوں اخوت و محبت تے بھائی چارے دا پیغام دتا تے فرقہ واریت دے درخت نوں جڑ توں کٹ کے رکھ دتا۔ جاوید اکبر ساقی جویں جویں ویلا لنگھدا جائے گا اوہ شدت نال یاد آن گے، آپ نے کم عمری وچ ای اخوت و رواداری دی تبلیغ شروع کر دتی سی، تے اپنے والد دے مشن نوں جاری رکھیا اپنے ہر دل عزیز بھرا پرویز اکبر ساقی نوں وی ایسے مشن اُتے گامزن رہن دی تعلیم دتی تاکہ اوہ خانوادہ زندہ و جاوید رہوے۔
میرے اوہ دوست وی سن تے قائد وی، آپ توں میں رواداری تے برداشت دا درس لیا اوہ میرے غمگسار وی سن ایس لئی جدوں اوہ یاد آندے نیں تے گنگنا اٹھنا واں کہ
دیکھ تجھے کتنا اچھا کبھی غور تو کر
ایسے تو ہم کبھی اپنے بھی طلب گار نہ تھے
پر اللہ نوں ایہو منظور سی میری متاع گراں بہا چھن گئی تے ہن افسوس کرن دا کیہ فائدہ اوہناں نے واپس نہیں آنا، آخر تے اسیں ایہناں دے کول جانا اے۔ اللہ تعالیٰ مرحوم دی بشری کمزوریاں نوں درگزر فرمائے۔ آمین تے جنت الفردوس وچ اعلیٰ مقام عطا کرے۔ آمین۔
آسماں ان کی لحد پہ شبنم افشانی کرے
سبز نورانی اس گھر کی نگہبانی کرے