اپوزیشن ہتھوں ویلاریت ونگوں نکلدا جارہیا اے،شیخ رشید

لہور( پنجابی میڈیا)وزیرداخلہ شیخ رشید ہوراں آکھیاکہ اپوزیشن ٹولے دے ہتھوںویلاریت ونگوں نکلداجارہیااے۔میڈیادے مطابق وزیراعلی پنجاب عثمان بزدارنال وفاقی وزیر داخلہ شیخ رشید نے ملاقات کیتی،جس وچ سیاسی کماںتے امن و امان دی صورتحال اُتے تبادلہ خیال کیتا گیا،پنڈی وچ فلاحی کماں دے منصوبیاں اُتے گل بات کیتی گئی۔وزیرداخلہ شیخ رشید داکہنا سی کہ پنجاب حکومت پنڈی دی عوام دے مسئلیاں نوں ترجیحی بنیاداں اُتے حل کررہی اے۔وزیرداخلہ دا کہنا سی کہ اللہ تعالی دے کرم نال امن وامان دی صورتحال اطمینان بخش اے،حکومت عوام دے جان ومال دی تحفظ لئی ہر ممکن اقدام کررہی اے تے انشاء اللہ کردی رہوے گی۔