وزیرِاعظم نے پاک چین بزنس انویسٹمنٹ فورم دا اجرا کردتا

اسلام آباد( پنجابی میڈیا)وزیرِاعظم عمران خان نے پاک چائنہ بزنس انویسٹمنٹ فورم دا اجرا کردتا۔وزیرِاعظم عمران خان نے پاک چائنہ بزنس انویسٹمنٹ فورم دے اجرا دی تقریب وچ اُچے پروہینے دے طور اُتے رلت کیتی۔ایس موقع اُتے وزیرِاعظم نے تقریب نال خطاب کردیاں ہویاں آکھیاکہ پاک چائنہ سرمایہ کاری فورم اُتے مبارکباد دیندا واں،حکومت نوں مشکلاں دامقابلہ کرن لئی دوناں ملکاں دا فیڈ بیک چاہیدا اے،سرمایہ کارلئی وقت اہم ہندااے،ساڈھے کول افرادی قوت،نوجوان تے ہنر مند لوگ موجود نیں، صرف سبزیاں ویچن نال ملک ترقی نہیں کردا،ملک توں ڈالر باہر لے جان نوں گھٹ کرنا اے۔عمران خان نے آکھیا کہ منی لانڈرنگ غریب ملکاں دا بوہت وڈھا مسئلہ اے،ہر ورھے وڈھی رقم غریب ملکاں توں امیر ملکاں وچ جا رہی اے۔